అమ్మతో Mother's Day

ఈ మదర్స్ డే రోజ

అమ్మకి ఇష్టమైన పనులు చేయాలని,

అమ్మకి ఇష్టమైన వాటిని చూపించాలని,

అమ్మకు ఇష్టమైన పదార్థాలు తినిపించాలని ,

నేను గట్టిగా కంకణం కట్టుకొని మరి ఈ మదర్స్ డే ప్లాన్ చేశాను

మదర్స్ డే రోజు ఎలాగైనా అమ్మతోనే రోజంతా గడపాలని ఎన్ని రోజులుగా ప్లాన్  చేస్తూ వస్తున్న కుదరడం లేదు. ప్రతీ సంవత్సరం నిరాశ నన్ను వెక్కిరిస్తూనే ఉంటుంది. ఆ కోరిక ఎప్పుడు నెరవేరుతుందా అని నేను ఎదురు చూడని రోజు లేదు. అలా Mother's Day రోజు కోసమే ఎందుకు ఎదురు చూడటం ఏదో ఒక రోజు అమ్మతో ఉండొచ్చు కదా అని నా మనస్సు నన్ను ప్రశ్నిస్తూనే ఉంటుంది, నా మనస్సే కాదు నా కోరిక తెలిసిన ఎవరైనా నా మనసు లాగే ఫీల్ అవుతారు. కానీ ఎంత మందికి అని చెప్పేది నేను ఊహ తెలిసినప్పటి నుండి హాస్టల్ చదువులు చదివాను అని చదువులు అయ్యాక మంచి ఉద్యోగం వస్తే అమ్మకి దూరంగా వెళ్ళేంత ఎదిగానని. అలా జీవితంలో అమ్మకి దగ్గరగా ఉన్నది తక్కువ, దూరంగా వెళ్ళింది ఎక్కువ. అమ్మతో గడిపిన రోజులని వేళ్ళ మీద లెక్కపెట్టొచ్చు ఏమో. అందుకే, ఇన్నాళ్లకు, ఈ రోజు, మనస్సు అంతరాలాలో దాగి ఉన్న ఆ కోరిక నెరవేరబోతుంది అనే ఊహతోనే ఉక్కిరిబిక్కిరి అవుతున్నా. ఐనా నా పిచ్చి కాకపోతే ఇదొక కోరికా అని కూడా అనిపిస్తుంది. కానీ నాకే అర్థం అయ్యే ఒక బాధతో నిండిన కోరిక నాది. అలా ఆలోచనలతో నిద్రలేచాను.

 

ఈ రోజు పొద్దున్నే అమ్మను లేపి గుడికి వెళ్దాం అనగానే అమ్మ షాక్ లో కళ్ళు తెరిచి చూస్తుంది. ఎందుకంటే నేను అంత పొద్దున్న లేవడం ఒక ఎత్తు ఐతే గుడికి వెళ్దాం అనడం ఇంకో ఎత్తు. ఎందుకూ అంటారా? అమ్మకేమో గుడికి వెళ్లడం ఇష్టం, నాకేమో దేవుడు ఎక్కడైనా ఉంటాడు కదా అని ఇంట్లోనే దండం పెట్టుకోవడం ఇష్టం. నీతో వితండవాదం చెయ్యలేను లే దేవుడిని వెతుక్కుంటూ నువ్వే వెళతావు అని అమ్మ బుజ్జగిస్తూ తిట్టేది, నేను నవ్వి ఊరుకేనేవాడిని. గుడికి రమ్మని అమ్మ నన్ను ఎప్పుడూ బలవంత పెట్టలేదు, అమ్మ పిలుస్తుంది కదా అని నేనూ ఎప్పుడు వెళ్ళలేదు. అందుకే ఈరోజు ఇలా అమ్మకు ఇష్టమైన  పనితో మొదలు పెడదాం అని గుడికి వెళ్దాం అని ఫిక్స్ అయ్యి అమ్మని లేపాను. అమ్మ ఒక రకమైన సందేహం, ఆశ్చర్యంతోనే గుడికి రెడీ అయ్యింది.

అమ్మా నేను ఉదయం ఏడు గంటలకి బిర్లా మందిర్ చేరుకున్నాం, సండే కదా జనాలు ఎక్కువగా ఉండటంతో మాకు దర్శనం కొంచం ఆలస్యం అయ్యింది. మా కడుపులో రాట్స్ రన్నింగ్ రేస్ చేస్తున్నాయి అప్పటికే . ఎప్పుడూ వంట చేసే అమ్మకు ఈ రోజైనా రెస్ట్ ఇద్దామని ఈ రోజంతా బయటనే తినాలని కూడా ప్లాన్ చేశాను కాబట్టి ఫుడ్ ప్యాక్ చేస్తా అన్నాకూడా వద్దని ఇంటి దగ్గరే చెప్పేసా. సో, దగ్గరలో ఒక దోశ బండి ఫేమస్ అని తెలిసి అక్కడికి వెళ్లి టిఫిన్ తిన్నాము. అక్కడ నుండి మళ్ళీ పెద్దమ్మ గుడికి వెళ్ళాము. ఇక్కడ కూడా పెద్దమ్మ గుడి అమ్మలతో, పిల్లలతో నిండిపోయింది, మథర్స్ డే స్పెషల్ కదా మరి. అమ్మ నేను ప్రశాంతంగా దర్శనం చేసుకుని బయటకు వచ్చాము.

 

గుడిలో నుండి బయటకు వచ్చేసరికి ఆల్మోస్ట్ 12 అవుతుంది. అట్నుంచి అటే బిర్యాని మాల్ కి వెళ్ళాము అక్కడ అమ్మకి ఇష్టమైన మటన్ బిర్యానీ ఆర్డర్ చెప్పి అంతకంటే ముందుగా స్టార్టర్ గా చికెన్65 తో పాటుగా పత్తర్ ఘోష్ అపోలో ఫిష్ ఆర్డర్ చేశాం ఇవన్నీ తినేసరికి 1:30 అయ్యింది . అమ్మకి ఇష్టమైన వాటిలో సినిమా చూడడం ఇంకొకటి. ఇష్టం అనేదాని కంటే పిచ్చి అంటే బెటర్ . అవును అమ్మకి సినిమా చూడటం పిచ్చి. అందుకే అట్నుంచి అటే ఇనార్బిట్ మాల్ లో చిరంజీవి మూవీ ఉంటే వెళ్ళాము చిరంజీవే అని ఎందుకు చెప్తున్నాను అంటే అమ్మకు చిరంజీవి అంటే అంత ఇష్టం మరి. చిరంజీవి స్క్రీన్ పైన కనిపించగానే అమ్మ విజిల్ వేస్తూ చిన్నపిల్లలా అరవడం నాకు భలే ఆశ్చర్యం వేసింది. అమ్మ ఏంటమ్మా ఇలా మల్టీప్లెక్స్ లో విజిల్ వేయడం అంటే మల్టీప్లెక్స్ అయినా ఇంకో థియేటర్ అయిన కొన్ని ఎమోషన్స్ అలా ఆపుకోవద్దురా. నాకు విజిల్ వేయాలి అనిపించింది వేసా, ఇదేం గుడి కాదు కదా సైలెంట్ గా కూర్చోడానికి అన్నది. అమ్మ చెప్తున్నది కూడా నిజమే కదా అనుకోని సినిమా చూడటంలో లీనం అయ్యాం. ఐనా ఎవరి లాజిక్కులు వారికుంటాయి కదా.

 

సినిమా అయిపోగానే బయటకు వస్తూ డిన్నర్ లోకి ఏం తిందామని అమ్మని అడిగితే ఏదైనా లైట్గా తిందాం రా మధ్యాహ్నం తిన్నదే ఇంకా అరిగినట్టు లేదు అనేసరికి కారుని సైబర్ టవర్స్ వైపుగా పోనిచ్చాను అమ్మకి ఇడ్లీ, నాకు ఎగ్ దోశ ఆర్డర్ చెప్పాను. అమ్మ నేను తినేసి మళ్ళీ కారు ఎక్కాం. ఇంటి వైపుగా వచ్చే ముందు అటువైపు ఫుట్పాత్ పైన ఎంతోమంది కనిపిస్తే అమ్మ కోరిక మేరకు ఒక హోటల్లో కొన్ని బిర్యాని ప్యాక్స్ పార్సెల్ చేయించి ఫూట్పాత్ మీద పడుకున్నవారికి ఇచ్చాను. ఆ బిర్యాని ఇచ్చాక వాళ్ళ కళ్ళల్లో ఆనందం చూసి అమ్మ ఎంతో సంతృప్తి చెందింది. మనకు ఉన్నంతలో పదిమందికి సహాయం చేయాలని అమ్మ ఎప్పుడూ చెప్తూ ఉంటుంది. అలా నాకు తోచిన సహాయం నా శక్తి మేరకు చేస్తుంటా అమ్మా అని ప్రామిస్ చేస్తుంటే అమ్మ కళ్ళల్లో నీళ్ళు తిరిగాయి. ఎందుకంటే ఆమె పడిన ఎన్నో కష్టాలు గుర్తోచ్చుంటాయి కాబోలు. మేము ఇంటికి వచ్చేసరికి ఆల్మోస్ట్ 11 అయ్యింది. ఈ రోజు చాలా సంతోషంగా , సంతృప్తిగా గడిచింది రా.  నేను అలిసిపోయాను రా చిన్నా, నాకు ఇష్టమైన ఇళయరాజా పాటలు పెట్టు వింటూ పడుకుంటాను అంటూ అమ్మ నాతో ఇంకా ఏదో చెప్పబోతుంది. అప్పుడే, కలలు కన్నది చాలు లే అని నా దురదృష్టాన్ని గుర్తు చేస్తున్నట్టుగా  అలారం మోగడంతో హటాత్తుగా లేచాను. అలారం ఆపేసి బరువెక్కిన మనసుతో కళ్ళ నుండి వస్తున్న చుక్కలని పట్టించుకోకుండా చుక్కల్లోకెక్కిన అమ్మని తలుచుకుంటూ చిన్నా గాడు అమ్మ లేని మదర్స్ డే ని బాధతో ఏదోలా మొదలెట్టాడు.

నీ "బలగం" ఎంత ?!

మట్టి విలువ తెలియని మనుషులకి, మనిషి విలువ తెలియని మనసులకి 

జననమైనా‌, మరణమైనా పెద్దగా తేడా ఉండదు.

కానీ,

మనసు విలువ తెలిసిన మనుషులకి
మట్టి వాసనకి పరితపించిపోయే మనసులకి
జననమింకొక బంధమవుతుంది - మరణమొక బాధ్యతనిస్తుంది

అలా జననంతో వచ్చిన ఓ బంధం తన మరణంతో మనిషి బాధ్యతలు గుర్తు చేస్తుంది,
ఇంకా చెప్పాలంటే ఆ మరణం మనల్ని గుచ్చి గుచ్చి చూస్తూ ఎన్నో  గొప్ప గొప్ప ప్రశ్నలను సంధిస్తుంటుంది.
బహుశా దీన్ని స్మశాన వైరాగ్యం అంటారని కొందరంటారేమో!!! అయ్యుండొచ్చు.

అది స్మశానవైరాగ్యమా !!! మరణం చెప్తున్న గొప్ప పాఠమా అర్థం కాదు కొన్ని సార్లు. మరణభావం తాలూకు భారం అర్థం కాదేమో కానీ భావం మోసుకొచ్చిన బాధ్యత మాత్రం చాలా బాగా అర్థం అవుతుంది. అందుకే అప్పట్లో " ఆ నలుగురు" అంతలా నచ్చింది. ఇప్పుడు ఈ " బలగం" ఇంతలా నచ్చింది.

ఏం ఉంది ఈ కథలో  అంటారా!!!
దాదాపు అన్ని కథలు జననంతో మొదలైతే ఇది పెద్దాయన మరణంతో మొదలై ప్రేక్షకుల ఆత్మీయ జననంతో ముందుకు సాగింది. ఇదంతా కాదు కానీ అసలు ఆ కథలో ఏం ఉంది కొంచెం చెప్పు అంటారా. ఇదిగో ఇవి ఉన్నాయి

బాధంటూ లేని లోకానికి
బయలెల్లిపోయిన బంధం విలువ తెలిపే బలమైన కథే బలగం

స్వార్థంతో సవారీలు చేస్తున్న చిన్న కుటుంబాలకే ఒక గొప్ప మనసుంటే వారి కుటుంబం పెద్దదవుతుందని చెప్పకనే చెప్పే కథే బలగం

ఆడుతూ పాడుతూ అందరినీ పలకరించే ఒక  మనసు
ఈ లోకాన్ని వదిలి వెళ్ళిన తరువాత జరిగే పరిణామాల గురించి తెలిపే కథే బలగం

కలిసుండాలంటే మమకారాలుంటాయి విడిపోవాలంటే కారణాలు, కయ్యాలుంటాయని తెలిపే కథే బలగం

బతికున్నప్పుడు బాగోగులు అడగని వారు కాస్తా
బయలెల్లిపోతున్న శవం ముందు చెప్పే అబద్ధాలను చూపించే కథే బలగం

ఆత్మీయతలను, అనురాగాలను ఆర్థిక పరమైన వైరుధ్యాలు ఎలా నాశనం చేస్తాయని చెప్పే కథే బలగం

ఇంకా ఎన్నో రకాల ప్రశ్నలను ఈ "బలగం" సంధిస్తుంది వాటన్నింటికీ సమాధానాలు కూడా చెపుతుంది. మనకి కావాల్సిందల్లా "బలగం" వేసే ప్రశ్నలు అర్థం చేసుకునే పరిపక్వత ఉండాలి, "బలగం" చెప్పే సమాధానాలు వినేంత వినయం ఉండాలి. నేను మొత్తంగా చెప్తే "బలగం" బలహీనపడొచ్చు. అలా మన బలగాన్ని బలహీనపరిస్తే మనకే మంచిది కాదు. అందుకే తప్పకుండా మీ "బలగం"తో వెళ్లి ఈ "బలగం" చూసి ఆ"బలగం" విలువ గురించి అందరికీ చెప్పండి.

ఇంకో చిన్న మాటతో ముగిస్తాను,

Note :
అహానికి, అహంకారానికి మనిషిలో స్థానం ఇస్తుంటే
ఆప్యాయతలు, అనురాగాలు మనస్సులోంచి అలిగి వెళ్లిపోతుంటాయి
( బలగం పెంచుకుంటూ .....మళ్ళీ కలుద్దాం ...🖋️💐)

మీ ప్రసాద్ గౌడ్

శ్రీరంగం శ్రీనివాసునికి అక్షర నైవేద్యం

ఎక్కడికి రావాలయ్యా శ్రీ శ్రీ?
మరో ప్రపంచం మరో ప్రపంచం పిలుస్తోందా?
మా ప్రపంచానికే దిక్కులేదు లేవయ్యా శ్రీ శ్రీ.

ఏమిచ్చావయ్య శ్రీశ్రీ నీవు?
ప్రపంచాగ్నికి సమిధొక్కటి ఆహుతిచ్చావా?
కులమతాల చిచ్చు పెట్టుటకు మేమూ ఇచ్చాం లేవయ్యా శ్రీ శ్రీ.


ఏమి అయ్యిందయ్యా శ్రీ శ్రీ నీకు?
బహుళ పంచమి జ్యోత్స్న భయపెట్టిందా నిన్ను?
చస్తూ బ్రతికీడుస్తూ ప్రతిరోజూ మేమూ భయపడుతున్నాం లేవయ్యా శ్రీ శ్రీ.

ఏమన్నావయ్యా శ్రీ శ్రీ నీవు
హీనంగా చూడొద్దా దీన్నీ, కవితామయమేనా అన్నీ?
కపిత్వానికి వారసులమైన మాకే చెప్తావేమయ్యా శ్రీ శ్రీ.

ఏమన్నావయ్యా శ్రీ శ్రీ నీవు?
పుడమి తల్లి పురిటినొప్పులు కొత్త సృష్టిని స్పురించాయా?
పుడమి తల్లి నాశనానికి పునాదులేస్తున్నాం లేవయ్యా శ్రీ శ్రీ.

ఎవరి కష్టం చెప్పావ్ అయ్యా శ్రీ శ్రీ నీవు?
దారి తప్పిన ఓ పల్లెటూరి బాటసారి కష్టమా?
మా కష్టానికే దిక్కులేదు లేవయ్యా శ్రీ శ్రీ.

ఎవరికోసం పాడతావయ్యా శ్రీ శ్రీ నీవు?
ఉడతల్లాంటి బుడతల్లాంటి కూనల కోసమా?
పాడటమెందుకని గర్భస్థ పిండంగానే చంపుతున్నాం లేవయ్యా శ్రీశ్రీ.

ఎవరి పాపం గురించి చెప్పావయ్యా శ్రీ శ్రీ నీవు?
అవ్వ మరణిస్తే ఆ పాపం ఎవరిదా?
పాపానికి మీనింగే తెలియని మనుషులం లేవయ్యా శ్రీశ్రీ.


ఎక్కడికి వెళ్తావు అయ్యా శ్రీ శ్రీ నీవు?
నెత్తురు కక్కుకుంటూ నేలకు నువ్వు రాలి పోతావా?
నిర్ధాక్షణ్యంగా సెల్ఫోన్తో ఫోటోలు తీస్తాం లేవయ్యా శ్రీ శ్రీ.


ఏం చేస్తావ్ అయ్యా శ్రీ శ్రీ నీవు?
భవిష్యమును పరిపాలిస్తావా?
మా వర్తమానానికే మాకు దిక్కులేదు లేవయ్యా శ్రీశ్రీ.


ఏం ఏం వినబడుతున్నాయయ్యా శ్రీ శ్రీ నీకు?
ఏవేవో ఘోషల్ వినబడుతున్నాయా?
మాకేమో మానభంగం ఆక్రందనలూ, పేదవాడి పేగుల కేకలు వినిపిస్తున్నాయి లేవయ్యా శ్రీశ్రీ.


ఏదయ్యా నిజం శ్రీ శ్రీ
మనమంతా బానిసలం, పీనుగులమా?
నీ సంగతేమోగానీ మేమైతే అదేనయ్యా శ్రీ శ్రీ.

ఏం చెప్తున్నావయ్యా శ్రీ శ్రీ?
దగాపడిన తమ్ములార ఏడవకం డేడవకండనా?
దగాపడి నెత్తిన టోపీ పెట్టించుకోవడానికి మేమెప్పుడూ రెడీ లేవయ్యా శ్రీ శ్రీ.

ఏం చేయాలయ్యా శ్రీ శ్రీ?
ఈ లోకం మాదే నా మా రాజ్యం మేమేలాల?
ఓటేయడానికి వెళ్లలేని బద్ధకస్తులమయ్యా మేము శ్రీ శ్రీ.

ఎవరు చావాలి అయ్యా శ్రీ శ్రీ?
ఎముకలు కుళ్ళిన వయస్సు మళ్ళిన సోమరులా?
ఐతే ఈ దేశ జనాభా తగ్గుతుంది లేవయ్యా శ్రీ శ్రీ.

ఏమన్నావయ్యా శ్రీ శ్రీ నీవు?
దొంగ లంజా కొడుకులసలే మసలే లోకమా?
అవునయ్యా, అమ్మ పాలు తాగి రొమ్ము గుద్దే వాల్లెందరో ఉన్నారు లేవయ్యా శ్రీ శ్రీ.

ఏముంది అయ్యా శ్రీశ్రీ  నీలో?
అభ్యుదయ భావజాలపు బూజు తప్ప
ఆ దుమ్ముదులిపి అందుకే నీట్ గా ఉన్నాం లేవయ్యా శ్రీ శ్రీ.

ఎవరివయ్యా శ్రీ శ్రీ నీవు?
అభ్యుదయోద్యమానికి ఆనవాళువా?
అనుదాత్త వస్తువుకి ఆత్మ బంధువువా?
మా నెత్తురు ఉడికించిన కవివా, పవివా?
విప్లవానికి నాంది పలికిన క్రాంతి రేఖవా?
ఎవరివయ్యా శ్రీ శ్రీ నీవు? ఎవరివయ్యా శ్రీ శ్రీ నీవు?

Maha Nati Review - మహానటి సావిత్రి

మహానటి సావిత్రి... దీన్ని సినిమా అనడం కంటే అందమైన మాయా జీవితమంటే బాగుంటుంది. సావిత్రి గారికే అర్థమయ్యీ, అర్థం కానట్టుగా కనపడే అందమైన మాయా జీవితం ఆమెది అంటే బాగుంటుంది.విధి ఆడిన వింత నాటకంలో పావుగా మారి కనుమరుగైన పాత్ర తనది అంటే ఇంకా ఇంకా బాగుంటుంది. సినిమా ఎలా ఉందీ అంటే మాత్రం అచ్చంగా జీవితంలాగే ఉందంటా.జీవితంలో ఉన్నట్టే ఈ సినిమాలో కూడా ప్రేమలు, ఆప్యాయతలు, బంధాలు, బంధుత్వాలు,కోపాలు, తాపాలు, వెక్కిరింపులు చీత్కారాలు, జయాపజయాలు‌, కింద పడడాలూ, లేవడాలు, బలాలు, బలహీనతల లాంటి అన్ని విషయాలూ సావిత్రి గారి జీవితంలో చూస్తాం. సావిత్రి గారి జీవితంలో ఏం జరిగిందని తెలుసుకోడానికి వెళ్లే ప్రతి ప్రేక్షకుడు, ఆమె జీవితపు మరుపురాని మధురమైన జీవిత పాఠాలతో బరువెక్కిన గుండెతో బయటికి వస్తాడు. సినిమాల్లోనే నటిస్తానయ్యా బయట అంతగా నటించడం రాదు అని సినిమాలో  ఒక చోట ఆమె చెప్పే డైలాగ్ ఆమె జీవితానికి అక్షరాలా సరిపోతుంది. సినిమాల్లో మహానటిగా పేరు తెచ్చుకున్న ఆమె, నిజ జీవితంలో నటులను గుర్తించలేకపోయింది.

" చరిత్ర నాస్తి కాదు నేస్తం అది అనుభవాల ఆస్తి " అన్నారు శ్రీశ్రీ. అలాంటి  వెలకట్టలేని ఆస్తులను అందించి,  తెలుగు సినీచరిత్రలో తనకంటూ ఒక గొప్ప స్థానం సంపాదించుకున్నారు ఆమె. హీరోల్లో ఎందరో స్టార్లను చూశాము, చూస్తున్నాము. కానీ, మీరు మాత్రం ఎప్పటికీ మా ఎవర్ గ్రీన్ స్టార్ సావిత్రి...కాదు, సావిత్రి గారు. కాదు, కాదు సావిత్రమ్మగారు..


(Ee Cinema Ki Ratings Ivvlenu....Iste baagundadu ani bhaavistunnanu.....Abhimaana, Prematho chesina ee Mahaa Prayatnaanni andaroo  Abhinandindinchaalsinde.........Inkaa Raayaalani unna inthatitho aapi malli eppudaina raasta Mahaanati Gaaru)

#cauveryissue

#cauveryissue.... Please.........STOP VIOLENCE
Friends......Please raise your voice on your fb wall or whatsapp groups or on twitter to banish the situations like these.....these social platforms are spreading Hatrade now a days ( Good Is also happening, but bad spreads very fast n impacts lot)...those hatreds are spreading by narrow minded people who are busy on these platforms......broadminded ppl like you are busy with your personal lives...But need to give focus issues like these...

Yes,There are water issues in our country, not only between TN and KN,

They are b/w these states too.....
1. Maharashtra, Andhra Pradesh, Karnataka, Telangana (River Krishna),
2. Maharashtra, Andhra Pradesh, Karnataka, Madhya Pradesh and Odisha ( River Godavari),
3. Rajasthan, Madhya Pradesh, Gujarat, Maharashtra ( River Narmada),
4. Goa, Karnataka ( River Mandovi)
5. Andhra Pradesh & Odisha ( River Vamsadhara)
6. Kerala, Karnataka, Tamil Nadu and Union Territory of Pondicherry ( River Cauvery)

so lot of states in country engaged in this water issues,
what will happen? If the same situation happens with other states too?
we cant imagine the chaos situation, right?

So,

1.First of all, Govt should take necessary steps to calm down the situations like these,

2. we are in same country, we respond well when natural calamities occurs, and other states, why cant now? ( Think about that kindness, we all helped TN when floods suffered them)

3. If the farmers of other states suffers with lack of water, above state should donate their share on humanity basis not on tribunal basis.

4. Govt should work with mutual understanding & they should convince their people for sake of country's integrity.

5. As a citizen of INDIA , We should respect our laws & judgments.

6. People of every state in our Country, Should leave their
"Jingoism" and try get the PATRIOTIC feelings only.

Finally we are "INDIANS"....World is watching us, we should not Defame our country with our narrow mindedness......

Pic Source: The Logical Indian
Statistic source : http://www.archive.india.gov.in/sectors/water_resources/index.php?id=14

Be Broad....Be Bold.....Be Patriotic (not Jingoist)........

(Plz ignore the Language Mistakes For a good cause)

Jai Hind.......

నేను కలెక్టర్ అయ్యి అందరికీ సహాయం చెయ్యాలి....

ఒక ఊర్లో  ప్రసాద్ అనే అబ్బాయి జనాలకి సేవ చేద్దాం అనే ఉద్దేశంతో కలెక్టర్ అవుదాం అనుకున్నాడు.....అందుకోసం రోజు తెగ చదివేస్తున్నాడు.....కొన్ని సంఘటనలు చూద్దాం..........




1. ఇంట్లో వాళ్ల  అమ్మ పిలిచింది.....ఒరేయ్ ప్రసాదు, నాకు కొంచం నలతగా ఉంది రా...అలా బజారుకెళ్ళి తినడానికి ఏమైనా తీస్కుని రారా....పో అమ్మ, నువ్వే ఏదో  ఒకటి చేస్కొని తిను....నేను నీకు సాయం చెయ్యలేను....బాగా చదువుకొని కలెక్టర్ అయ్యి జనాలకి సాయం చెయ్యాలి....

2. మామా ప్రసాద్...రమేష్ వాళ్ల నాన్నకి హెల్త్ బాగోలేదంట ICU లో ఉన్నాడంట...వెళ్లి వాణ్ని పలకరించి వస్తే వాడికి కొంచం ధైర్యంగా ఉంటది, వాళ్ల కుటుంబం కూడా , వాళ్లకి సహాయం చెయ్యడానికి మనలాంటి వాళ్లు కొందరు ఉన్నారని ఫీల్ అవుతారు.....అయ్యా!!..సారీ మామా రేపు వీకెండ్ టెస్ట్ ఉంది...నేను రాలేను కానీ, రమేష్ ని అడిగానని చెప్పు...అయినా.....నీకు తెలుసు కదరా..నేను బాగా చదువుకొని కలెక్టర్ అయ్యి జనాలకి సాయం చెయ్యాలి....




౩. హాయ్ ప్రసాద్, రా..రా...అలా వెళ్లి మన రూమ్ కింద ఉన్న చాయ్ బండోడి  దగ్గర చాయ్ తాగి వద్దాం....సారీ, సురేష్, నేను రాలేను , నువ్వు చాయ్ అని చెప్పి అక్కడికెళ్ళాక, ఆ బండి వాడి జీవితం ఎలా ఉంది, పిల్లలు ఏం చదువుతున్నారు, ఇల్లెలా గడుస్తుంది అని బాతాకానీ పెడతావ్....అయినా మనకు అలాంటి అలగా జనంతో ఏంటి రా?...మనం బాగా చదువుకొని కలెక్టర్ అయ్యి జనాలకి సాయం చెయ్యాలి....




4. ఒరేయ్ ప్రసాద్...నువ్వు చాలా రోజుల నుండి సివిల్స్ కి ప్రిపేర్ అవుతున్నావ్ కదా....మన పనిమనిషి వాళ్ల అమ్మాయికి కూడా కలెక్టర్ అవ్వాలని ఉందంట...ఆమెకి అప్పుడప్పుడు నీ బుక్స్ ఇస్తే చదువుకొని ఇస్తారంట, అలాగే నిన్ను కొంచం టిప్స్ కూడా చెప్పమంది రా.....అయ్యో!!..ఏంటి అక్కా నువ్వు....నా బుక్స్ నేను ఎవరికీ ఇవ్వను, నేను ఆ అమ్మాయితో టైం వేస్ట్ చేసుకోలేను...అయినా అలా హెల్ప్ చేస్తుంటే నా టైం అంతా వేస్ట్ అయిపోతది......వాళ్ల అమ్మకి చెప్పు, నేను ఏ సహాయం చెయ్యలేను అని...అయినా....నీకు తెలుసుగా అక్కా.... నేను బాగా చదువుకొని కలెక్టర్ అయ్యి జనాలకి సాయం చెయ్యాలి....




5. ఓ బిడ్డా....నాకు కండ్లు కానొస్తలేవు....అస్సలు శాతన అయితలేదు.....జర, గా దవాఖానా దాక తీస్కపొయ్యి డాక్టర్ తో కలిపించి ఇలాజ్ ( treatment) ఇప్పియ్యి బిడ్డా....లేకపోతే నా పాణం పొయ్యేలా ఉంది....నీ సాయం ఈ జన్మల మరువ బిడ్డా.......అయ్యో!!!...అవ్వా......నేను క్లాసుకి వెళ్తున్నా..... కావాలంటే ఈవెనింగ్ వచ్చి తీస్కేల్తా అవ్వా... నీకు ఇప్పుడు సహాయం చెయ్యలేను...నేను బాగా చదువుకొని కలెక్టర్ అయ్యి జనాలకి సాయం చెయ్యాలి....




(అవ్వ మనసులో....పాపం...ఈ పోరడు ఎంత అమాయకుడు...ఇన్ని ఏండ్లు వచ్చినట్టున్నాయి....ఈ పోరనికి సాయం అంటే ఇంక అర్థమే తెలవలేదు....కలెక్టర్ అయితడంట...దేవుడు నిన్ను సల్లగా సూడాలి)



జై హింద్............

Manchi evaru cheppinaa nenu support chestaa....mari meerabbaa??

అవును.......డౌన్ సౌత్ లో ఉంటాం కాబట్టే.....పైన ఉన్న వాళ్లకు కింద ఉన్న వాడి బాధ అర్థం కావట్లేదు....తెలుగు వాడిగా ప్రత్యేక హోదాకి నేను సప్పోర్ట్ చేస్తున్నా.......చాలా బాగా మాట్లాడారు పవన్ కల్యాణ్ గారు.....జై హింద్